Почетные граждане Дрогичинского района
Лапа Сяргей Яўсеевіч
Сяргей Яўсеевіч нарадзіўся 22 жніўня 1920 года ў в. Дзямінка Петрыкаўскага раёна Гомельскай вобласці. Ваеннаслужачы, скончыў Кіеўскае ваеннае вучылішча. У 1940 годзе быў прызваны ў войска, служыў у Маскве ў 1-м матацыклетным палку, навучальная рота. З 1941 года на Заходнім фронце абараняў Віцебск, Гарадок, Лёзна, Полацк, Смаленск. У складзе першага гвардзейскага палка сувязі ўдзельнічаў у абароне Масквы, вызваленні Калугі, у Курскай бітве, вызваленні Маладзечна, Каўнаса, Кёнігсберга, скончыў вайну ў Даніі.
З 1946 па 1951 год працаваў інструктарам прапаганды Драгічынскага раённага камітэта Камуністычнай партыі Беларусі. З 1951 па 1957 год служыў у шэрагах Савецкай Арміі. З 1957 па 1958 - інструктар Драгічынскага раённага камітэта Камуністычнай партыі Беларусі. З 1958 па 1960 год працаваў старшынёй калгаса "Шлях Леніна" Драгічынскага раёна. З 1960 па 1974 год - прараб Драгічынскай міжкалгаснай будаўнічай арганізацыі. З 1974 па 1981 год працаваў намеснікам дырэктара па гаспадарчай частцы Драгічынскага прафесійна-тэхнічнага вучылішча №163.
З 2004 па 2012 узначальваў Драгічынскую раённую арганізацыю Беларускага грамадскага аб'яднання ветэранаў. Адным з напрамкаў яго работы з'яўлялася ўвага да сацыяльна-бытавых праблем пажылых грамадзян, інвалідам вайны, удовам загінуўшых воінаў.
Узнагароджаны ордэнамі "Чырвонай Зоркі", "Айчыннай вайны II"; медалямі "За адвагу", "За абарону Масквы", "За ўзяцце Кёнігсберга", "За Перамогу над Германіяй", "Ветэран працы", "За працоўную доблесць", граматай Брэсцкага абласнога выканаўчага камітэта, Ганаровай граматай Драгічынскага раённага Савета дэпутатаў і Драгічынскага раённага выканаўчага камітэта. Усяго мае 17 узнагарод.
У 2015 годзе рашэннем раённага выканаўчага камітэта Сяргею Яўсеевічу прысвоена званне "Ганаровы грамадзянін Драгічынскага раёна".
Міхнюк Рыгор Рыгоравіч
Нарадзіўся 17 чэрвеня 1935 года ў в. Вулька-Радавецкая Драгічынскага раёна Брэсцкай вобласці, скончыў сем класаў.
У 1954 годзе паступіў у вучылішча механізацыі сельскай гаспадаркі № 29 г.Драгічына па спецыяльнасці трактарыст-машыніст і скончыў яго з адзнакай.
На службу ў войска прызвалі ў снежні 1956 года. Служыў Рыгор Рыгоравіч у Вугоршчыне. Пасля службы ў войску працаваў трактарыстам у калгасе імя Леніна. Самааддана працаваў на карысць роднай гаспадаркі і роднай зямлі.
У красавіку 1966 года Рыгор Рыгоравіч атрымаў сваю першую ўзнагароду - ордэн «Знак Пашаны». Потым перайшоў працаваць на камбайн, бо ў гаспадарцы пачалі пашыраць пасевы збожжавых. За высокія намалоты і асабісты ўклад у развіццё сельгасвытворчасці быў удастоены яшчэ некалькі высокіх узнагарод: у 1970 годзе адзначаны медалём "За доблесную працу", у 1975 - ордэнам Кастрычніцкай рэвалюцыі, а ў 1980-ордэнам Працоўнага Чырвонага Сцяга. У 1992 годзе выйшаў на заслужаны адпачынак, але пасля гэтага яшчэ тры гады працягваў сваю працоўную дзейнасць.
15 чэрвеня 2014 года Рыгор Рыгоравіч Міхнюк быў удастоены звання «Ганаровы грамадзянін Драгічынскага раёна».
Невядомскі Іван Іванавіч
Іван Іванавіч нарадзіўся 7 ліпеня 1935 г. у г.п. Антопаль Драгічынскага раёна Брэсцкай вобласці. З 1957 па 1959 год - старшыня аддзела фізкультуры і спорту Антопальскага райвыканкама. З 1959 па 1969 г. працягнуў працу інструктарам па фізічнай культуры і спорце Драгічынскага райсавета ДСА «Ураджай». Іван Іванавіч пачаў сваю працоўную дзейнасць на пасадзе трэнера дзіцяча-юнацкай спартыўнай школы ў 1969 годзе.
За гады сваёй працы Іван Іванавіч падрыхтаваў пяцьдзесят шэсць прызёраў і чэмпіёнаў Рэспублікі Беларусь. Дзевяці выхаванцам прысвоена званне "Майстар спорту", дваццаць восем чалавек выканалі першы і "Кандыдат у майстры спорту" спартыўныя разрады. Дзевяць спартсменаў-выхаванцаў трэнера-выкладчыка па спорце былі перададзены ў вучылішчы алімпійскай падрыхтоўкі Рэспублікі Беларусь. Пад кіраўніцтвам Івана Іванавіча зборныя каманды Драгічынскага раёна неаднаразова станавіліся пераможцамі і прызёрамі абласных, рэспубліканскіх і міжнародных спаборніцтваў.
Невядомы Іван Іванавіч з'яўляецца вопытным выхавацелем і настаўнікам моладзі, прымае актыўны ўдзел у спартыўным жыцці раёна. Карыстаецца заслужаным аўтарытэтам сярод спартсменаў-навучэнцаў, трэнераў-выкладчыкаў па спорце і бацькоў.
Узнагароджаны Ганаровай граматай Міністэрства асветы Беларускай ССР у 1976 годзе, Ганаровай граматай Камітэта па фізічнай культуры і спорце пры Савеце Міністраў СССР у 1977 годзе, Ганаровымі граматамі Рэспубліканскага ДФСТ "Ураджай", у 1978 годзе значком "Выдатнік фізічнай культуры і спорту". годзе медалём "За працоўную доблесць", граматамі аддзела адукацыі, спорту і турызму Драгічынскага раённага выканаўчага камітэта, у 1994 годзе Невядомскаму Івану Іванавічу прысвоена званне "Заслужаны трэнер Рэспублікі Беларусь". У 2014 годзе ўдастоены звання "Ганаровы грамадзянін Драгічынскага раёна".
Пінчук Іван Пятровіч
Протаіерэй Іаан
Іван Пятровіч нарадзіўся 03 чэрвеня 1965 г. у в.Стахава Столінскага раёна Брэсцкай вобласці.
З 1983 г. па 1985 г. праходзіў службу ў шэрагах Савецкай арміі. З 1986 па 1989 г. вучыўся ў Ленінградскай духоўнай семінарыі, у 1993 г. скончыў духоўную Санкт-Пецярбургскую акадэмію. У 1994 г. абараніў кандыдацкую працу. З 1993 г. па 1995 г. выкладаў у нядзельнай школе ў касцёле г.Пінска. З 1995 г. па 1996 г. служыў у храме Святой Вялікапакутніцы Барбары ў г.Пінску. 1996 г. - 2002 г. святар у Срэцянскім храме г.Драгічына. З 01 кастрычніка 2002 г. з'яўляецца благачынным Драгічынскай акругі, настаяцелем Срэценскага храма г.Драгічына, а з 2016 г. настаяцелем Свята-Ефрасіннеўскага і Срэценскага храмаў.
З 01.07.2023 г. - настаяцель Свята-Ефрасіннеўскага храма.
У 2021 годзе рашэннем раённага выканаўчага камітэта Івану Пятровічу прысвоена званне "Ганаровы грамадзянін Драгічынскага раёна".
Сенькавец Анатоль Іванавіч
Нарадзіўся 15 чэрвеня 1951 года ў в.Белавуша Столінскага раёна Брэсцкай вобласці.
У 1973 годзе паступіў у Брэсцкі інжынерна-будаўнічы інстытут і скончыў яго па спецыяльнасці "Гідрамеліярацыя".
З 1978 года працаваў майстрам Сігневіцкага СМУ. З 1979 года назначаны прарабам Іванаўскай СПМК-131. З 1986 года працаваў галоўным інжынерам Драгічынскай МПМК-8. З 1995 года быў прызначаны старшынёй Драгічынскага райсельбуда. З 1996 года кіраваў Драгічынскай ПМК-8. З 2010 года па 2011 год быў прызначаны першым намеснікам начальніка УП «Драгічынская ПМК-8», «Аб'яднанне Брэстаблсельбуд».
У 2021 годзе рашэннем раённага выканаўчага камітэта Івану Пятровічу прысвоена званне "Ганаровы грамадзянін Драгічынскага раёна".
Ігнатчык Мікалай Васільевіч
Больш за сорак гадоў біяграфія Мікалая Васільевіча Ігнатчыка звязвае яго прафесійную дзейнасць з сістэмай адукацыі, а менавіта з Хомскай сярэдняй школай. Тут ён прайшоў шлях ад настаўніка фізікі і класнага кіраўніка да дырэктара школы, якой кіраваў 32 гады. У сваёй дзейнасці ён заўсёды кіраваўся прынцыпамі адказнасці, канфідэнцыйнасці, добразычлівасці. Яго ўраўнаважанасць, уменне знаходзіць агульную мову стваралі камфортны псіхалагічны клімат у калектыве.
За час яго кіраўніцтва быў пабудаваны сучасны будынак школы з самым перадавым абсталяваннем. Створаная матэрыяльна-тэхнічная база дазваляла ўкараняць сучасныя тэхналогіі навучання і кіравання ўстановай адукацыі.
За адданасць справе, узорнае выкананне прафесійных абавязкаў Мікалай Васільевіч узнагароджаны Ганаровай граматай і нагрудным знакам "Выдатнік адукацыі" Міністэрства адукацыі Рэспублікі Беларусь. Яму было прысвоена ганаровае званне "Чалавек года" ў галіне "Адукацыя" па выніках 2011 года. У 2021 годзе Мікалаю Васільевічу прысвоена званне "Ганаровы грамадзянін Драгічынскага раёна".
Ардашэўскі Антон Мікалаевіч
Працоўную дзейнасць пачынаў у калгасе “Чырвоная зорка” Іванаўскага раёна, затым перайшоў працаваць бліжэй да родных мясцін – у Асаўцы. У 1973 годзе Антон Мікалаевіч узначаліў калгас імя Суворава ў Драгічынскім раёне, затым працаваў на пасадзе галоўнага агранома райсельгасхарчу. За добрасумленную працу ў сельгасвытворчасці быў узнагароджаны ордэнам "Знак Пашаны", медалямі "За працоўную доблесць", "За працоўную адзнаку", медалём у азнаменаванне 100-годдзя У.І.Леніна. У 2021 годзе рашэннем раённага выканаўчага камітэта Антону Мікалаевічу прысвоена званне "Ганаровы грамадзянін Драгічынскага раёна".
Верамейчык Ганна Аляксандраўна
У 1980 годзе скончыла Беларускую сельскагаспадарчую акадэмію. Атрымала спецыяльнасць бухгалтарскі ўлік у сельскай гаспадарцы. Пасля заканчэння акадэміі была накіравана на працу ў Драгічынскі раён. З 1980 па 1989 год працавала галоўным эканамістам калгаса імя Леніна, затым на такіх жа пасадах у калгасе "Маладая гвардыя" і СВК "Ліпніцкі".
У 2003 годзе абрана старшынёй Драгічынскага сельскага Савета дэпутатаў, а з 2006 года - старшыня Драгічынскага раённага Савета дэпутатаў. У 2022 годзе рашэннем раённага выканаўчага камітэта Ганне Аляксандраўне прысвоена званне "Ганаровы грамадзянін Драгічынскага раёна".
Карповіч Уладзімір Барысавіч
Нарадзіўся на Драгічыншчыне ў в. Брашэвічы. Пасля заканчэння Брэсцкага інжынерна-будаўнічага інстытута працаваў майстрам па капітальным рамонце будынкаў і збудаванняў Драгічынскага трактарарамонтнага завода Дзяржкамсельгастэхнікі БССР. З 1987 года і да выхаду на пенсію - на розных пасадах ва ўпраўленні капітальнага будаўніцтва райвыканкама: старшы інжынер УКБа, галоўны інжынер упраўлення, а з 1996 года - намеснік старшыні раённага выканаўчага камітэта.
Унёс значны ўклад ва ўзвядзенне аграгарадкоў, будаўніцтва жылых і сацыяльных аб'ектаў. У 2022 годзе рашэннем раённага выканаўчага камітэта Уладзіміру Барысавічу прысвоена званне "Ганаровы грамадзянін Драгічынскага раёна".
Воран Генадзь Станіслававіч
Протаіерэй Генадзь,
настаяцель храма Святой Жываначальнай Тройцы ў аг.Бездеж
Нарадзіўся ў в. Зарэчка Драгічынскага раёна. З 1986 г. па 1987 г. – рэгент храма Нараджэння Прасвятой Багародзіцы ў в.Ляхавічы, а з 1987 па 2011 – настаяцель гэтага ж храма.
З 2011 г. з'яўляецца настаяцелем храма Святой Жываначальнай Тройцы ў аг.Бездеж.
Скончыў Мінскую духоўную семінарыю.
Узнагароджаны Ганаровымі граматамі раённага выканаўчага камітэта і раённага Савета дэпутатаў. Курыраваў будаўніцтва Свята-Мікольскага храма ў аг. Закозель, узнагароджаны медалём Беларускай праваслаўнай царквы "1030-годдзе праваслаўя на Беларускіх землях".
За нястомную дзейнасць і вялікі асабісты ўклад па ўмацаванні праваслаўнай веры, духоўна-маральнай асвеце і выхаванні маладога пакалення, актыўную прапаведніцкую і грамадскую дзейнасць, за старанныя працы на славу Беларускай праваслаўнай царквы рашэннем Драгічынскага раённага Савета дэпутатаў ад 20.06.2023 грамадзянін Драгічынскага раёна».
Жукаў Уладзімір Георгіевіч
Нарадзіўся ў г.Байран-Алі Марыйскай вобласці Рэспублікі Туркменістан. У 1961 г. паступіў у Пінскую медыцынскую вучэльню. З 1964 г. па 1971 г. працаваў фельчарам на хуткай дапамозе ў Драгічынскай цэнтральнай бальніцы. З 1971 па 1974 г. працаваў у санэпідстанцыі, а з 1974 па 1988 г. у Рэспубліцы Татарстан.
З 1988 па 2009 г. пераехаў у г.Драгічын і працаваў памочнікам урача-гігіеніста аддзела гігіены ў Драгічынскім раённым цэнтры гігіены і эпідэміялогіі.
Удзельнік баявых дзеянняў у Афганістане.
Рашэннем Драгічынскага раённага Савета дэпутатаў ад 20.06.2023 № 294 “Аб прысваенні звання “Ганаровы грамадзянін Драгічынскага раёна” за значны ўклад у сацыяльна-эканамічнае развіццё раёна і актыўную грамадскую дзейнасць прысвоена званне “Ганаровы грамадзянін Драгічынскага раёна”.
ІНТЭРНЭТ РЭСУРСЫ
